تبي تعرف حكاية عشق وبنت حيـل لعابـه..

[نبض المحبه]

ذبحني هالسؤال أرجوك قلي بـس وش جابـه..؟؟
دخيلـك ليـه تتعمـد مـع ضحكـك تبكينـي..؟؟

من البارح تعيده هالسـؤال وتطـرق أبوابـه..!!
على نفس الطريق اللي تجـي منـه تودينـي..؟؟

ياأخي وش تبي منـي وحزنـي وش تلقابـه..!!
يهمك إيش في هذا.؟ عذابـي وإنخلـق فينـي.!!

تبي تعرف حكايـة شاعـر جمهـوره أحبابـه..!!
تبي تعرف يصفق ليـه جمهـوري ويحيينـي..؟؟

لأن الشعر عندي ماهـو بـس أوراق وكتابـه..!!
ولاني من فراغ أكتب وأبـي تكثـر دواوينـي..!!

تبي تعرف شاعر ليه؟؟ هـاك الشعـر وأسبابـه؟؟
تبـي تعـرف مكانـي وين.؟؟رتبهـا وتلاقينـي.؟

فقر مال.. فقـر حـال.. وفقـر حيلـه وطلابـه..
فقـر حـظ كريم..أمدلـه كـفـي ويعطيـنـي..

فقـر دين..فقـر دنيا..وجـوع تنهـش أنيابـه..!
فقر راحه..فقـر صحه..فقـر فرحـه تنسينـي..

فقر.أيه الفقـر يعنـي ضيـاع العمـر وركابـه..
فقر يعني فقـر يعنـي عـذاب وظيـم مالينـي..

وراس الفقر..وراس الجوع..وعمر طارت أسرابه..
وحق الدرهـم اللـي مانـوى مـره يخاوينـي..

رضعت الويل من صغري ولبست الحزن وثيابـه..
على شط الشقاء مولود وهمـي كـان يروينـي..

تقطع وجهي وجلـدي بنـاب الفقـر ومخلابـه..
ولكنـي عزيـز النفـس ولـو أحتـاج تغنينـي..

كساني ثوبي المشقـوق وبيـن النـاس أزهابـه..
وكلـن يلتفـت يمـي يظـن بتنكسـر عيـنـي..

حشا ماتنكسر عيني وأنا اللـي وقتـه يهابـه..!!
عزاي أني فقيـر وصـارت النظـرات ترمينـي..

عيون النـاس تطعني..وكلـن يغـرس أحرابـه..
بعض عيون أقدرها وبعـض عيـون تدمينـي..!!

وشلـي مابعـد قلتـه وتبغـى تعـرف أعرابـه..
مضـت ساعـات أتكلـم وأنـت بـس توحينـي..

تبي تعرف حكاية عشق وبنت حييييييـل لعابـه..
تبي تعرف عن أسباب الجفاء مابينهـا وبينـي..؟؟

تخيـل جتنـي وقـالـت فـمـان الله يابـابـا..
تشـرفـنـا بمعرفـتـكـويالله لاتـأذيـنـي..!!

وأنا أعشقها "ثمان سنين" وهي (تلعب وكذابه)..!!
تسلـي نفسهـا فيـنـي ونيتـهـا تخليـنـي..!!

تبي تعرف حكاية قبـر وطفلـه تسكـن ترابـه..
تبـي أقولـك مظلـوم ودم الطفـلـه بيديـنـي..

تبي تعرف وش الغربه ومن اللي طول غيابـه..؟؟
تبي أحكي قبل أعـوام بالتفصيـل أنـا وينـي.؟؟

تبي أحكي لك عن الزاهد وعن ذنبه في محرابـه..
دخيلك ماأقدر أتكلـم خـلاص أرجـوك أعفينـي..

قسم بالله فـي صـدري مدينـه تلتحـف غابـه..
مدينـه ساكنـه قلبـي وغابتـهـا شراييـنـي..

دخيلك سكر الموضـوع وشفلـك شـي تسلابـه..
أنـا منـك ألاقيهـا أو ألقاهـا مـن سنيـنـي..

[محبة الرحمن]

قصيده رآآآئعه جدآآآ

لاتحرمينا جديدك

[نبض المحبه]

مروه عبدالله

اسعدني تواجدك الجميل

دمتِ بود

[معالي]

مشكورة اختي على الموضوع الرائع

والبيات الرائع جدا

تقبل مروووري

[نبض المحبه]

الموت ولا دمعة امي

منوره الموضوع بتواجدك

لاعدمنا مرورك