استراحه مع .. المواقف..

[مها بنت فهد]

اهلا بالجميع ..

هذا موضوع مفتوح للي عنده موقف ( مضحك .. حزين .. محرج :27: .. الخ ) مريت فيه او سمعت عنه .. خلونا نتشارك فيه ..

احم احم في اشاعه تقول الى يكتب الموضوع يبدا .. الله يستر ..


انا بكتب موقف (( كان في بنت تمشي مع اخوانها الصغار .. وفي واحد مزعج اسمه (مغازلجي) يلاحق فيها .. البنت قالت لازم احرجه .. المهم التفتت عليه وصرخه عليه وهزئته .. الولد حس انه في ورطه خصوصا الكل يطالع فيه .. راح عطاها كف وقال لها انتي طااااااااااالق !!!!!!! .. البنت جلست تصيح من الكف .. الناس ضنوا انها تصيح لان الولد طلقها .. تجمعوا عليهم الناس والى يقول اذكر الله ان ابغض الحلال عند الله الطلاق .. والى يهدي البنت .. والى يقول رجعها علشان البزران .. والى يقول وش ذنب الصغار !!!!!!!!!!!!!!!! .. ))

[F-15]

خخخخخ حلوه الولد صاحب فطنه ...

طيب...فيه شاب متزوج في الخبر خلى زوجته تروح عند صاحباتها وكانوالبنات متواعدين يطلعون كفي شوب ...وهو تشخص وتلمع وطلع ما اخوياه الراشد....اعجبته مجموعة بنات قام الوسيم يتحرش بوحده منهم ويوم التفتت عليه والى الشنطه في وجهه وتقوله ياغبي انا زوجتك يلي ماتخاف الله....والي يروون القصه يقولون انهم عجزو يطلعون الرجال من بين يدينها....خخخخخخ يستاهل

[خالد بوياسر]

هههههههههه

رائع

---------------
مها بنت فهد

اختيار موفق للموضوع ، وللمقلب

-------------
مشكوووووووووووووورة

[ديما]

شوفوا انا سمعت انهم يقولون ان بالموضوع مكتووووووووووووب

استراحه مع الموااااااااااااااااااااقف ....

يعني بكتب اكثر من موقف

كما تعلمون فأن للصغار مواقف ربما تكون ( محرجه )
اما لأمهاتهم او لأبائهم وبنفس الوقت ( مضحكه )
فــقرأت في أحدى المجلات بعض مواقف الصغار واعجبتني

* الكلام على لسان الامهات ...

تقول احدااهن ايضا ...
(جانا ضيوف وجابوا معهم هديه للمولود الجديد فكان ابني يريد
فتحها فقلت له (اصبر حتى يذهبوا) صار يدخل ويطلع ولما مل الولد
من الانتظار دخل وقال بصوت مرتفع .!
" خلاص ابفتحها شكلهم بينامون عندنا "


وقالت اخرى ...
(ذهبنا في زيارة لعمات زوجي وحده منهم كبيره في السن قلت لولدي
حب راسها فرفض وقال (ريحة راسها شينه) يقصد الحناء شوفوا
الاحراج اللي صار لي)


كما قالت...
(جتني وحده من صديقاتي وكانت ملامحها تشبه دول شرق اسيا
فجلست بنتي تطالعها بقوه لما قلت لها عيب ردت وقالت(شكلها
شغاله ) )


وقالت ايضا..
( اخذت من اختي شنطه ورحنا لحفله ومعنا بنت اختي ولما وصلنا
وخلعت عبايتي حتى شافت الشنطه وقامت تسحبها بقوة
وهي تقول (حقت ماما هاتيها ) وانا احاول اسكتها)


وقالت احداهن ..
(زوجي كان عنده ضيوف على العشاء وحطيت العشاء كله لهم
وكان ولدي يبي يتعشى قلت له: اذا خلصوا الرجال بنتعشى..
رحت اصلح لهم الشاهي ...وهو دخل على الضيوف وقال لهم
(متى تخلصون العشاء لاننا بنتعشى أنا وأمي بعدكم )
شوفوا وجه ابوه وقتها)

مـ نـ قـ و ل

[علي بن إبراهيم]

هالموقف .. صار لي انا يعني مو مصطنع خخ خخ خخ

عند القبول بالجامعه .. يقالي .. جالس ابي اقدم اوراقي بذيك القاعه ..

الا واشوف يتكلمون .. ويقولون مايبون يقبلون الا اللي نسبته .. 85 وطالع ... وانا راز وجهي بنسبه 84 هه هه

قلت ياولد .. اسحب نفسك ولا .. الفشله ههههههههههه

يوم طلعت قلت بستفسر من اي احد قبالي .. سألت دكتور مدري .. معيد المهم له .. في امور القبول ..

قالي لا بس الادبي اللي قبولهم من 85 وطالع .. هههه ما العلمي .. الى الـ 80

قلت زين ماطار على القبول ياولد .. خخ خخ خخ .

جلست وانا واثق .. يقالي بقدم على جامعه هارفارد ..


مرسي مها على هيك موضوع ..

خلينا نشوف الشعب شنو صار لهم .. هه هه هه

تحياتي

علي بن ابراهيم

[مها بنت فهد]

F-15

يستاهل كان ذبحته <<غيوره البنت

خالد بوياسر

مشكور أ. خالد بس نبي موقف

ديما

مواقف الاطفال كثيره .. << تذكرتك وانتي صغيره تقوميني من النوم تقولي قومي ساعه نص !!

على بن ابراهيم

مشكور على تفاعلك معي .. ذكرتني بجامعه مقبوله والتلفون يقول ما قبلت << جاني انهيار عصبي خصوصا النسبه المطلوبه 92.5 وانا جايبه 93.3 يعني وش تبون انتحر ..

مشكورين جميعا على التفاعل مع الموضوع ..

<<< موقف>>>
مره اتصلت بالقطار وانا من النوع والي واثقه من كلامي وكنت بحجر انا واختي علشان نروح الدمام المهم .. الطلاب لهم تخفيص يعني التذكره 20 تصير 10 .. وقوله احجز تذكرتين باسمائنا وطبعا طالبات قالي احلفي !!! انا انحرجت وانصبغ وجهي الوان وش يبي يقوول كذا قلت له نعم .. قال متى << بيضيع السالفه .. انا ودي اسكر بوجهه لكن الضروره احكام كملت الحجز واسكر السماعه وانا انواع الاحراج والعصبيه << انقهرت من اسلوبه ..

******

[دانة الظفر]

هذا موقف قريته في مجله
يقولك كانوا طالبات بالصف و ماكان عندهم معلمه يعني بمعنى ثاني كان الفصل فوضى ....
ادخلت المعلمه البدويه معصبه و كان في وجها طالبه سوريه قالت المعلمه بصوت عالي مكانس | يعني ارجعي مكانش | كان تروح الطالبه و تطلع للمعلمه من ورا الباب مكنسه

[ديما]

:24: سكتي فشلتيني حرام عليش ماعندش احساس اهئ اهئ اهئ
هل كلام ايام زماااااااااااان يعني ما في داعي تذكريني فيه



ديما [/COLOR]

مواقف الاطفال كثيره .. << تذكرتك وانتي صغيره تقوميني من النوم تقولي قومي ساعه نص !!

******




تحياتي :d8: ديومه المزيونه

[عبدالله محمد علي]

لوووووووووووووووول

في مره من المرات كنا متجمعين شلة شباب ايام الدراسة في شقة عزابيه
المهم كنا خمسه ..............واتفقنا اربعه منا على واحد ...........قلنا خل نلعب لعبة (شرطي ,ملك ,وزير ,حرامي) كلكم عارفينها.

المهم كتبنا كل الاوراق حرامــــــــــــــــــــــــــــــي............خخخ خخ

وبدينا اللعب ...........كل ماحذفنا الاوراق ......كل واحد يقول انا ملك .....والثاني انا وزير .............واخينا الخامس مسكين (انا حرامي)

عاد خذلك طلبات منه...........وخبركم شقةعزابيه....يعني اغلب الطلبات يا غسل المواعين...او اكنس الصاله......رتب غرفه النوم ....وهلم المجره


المهم ...دارت اللعبه مره ومرتين وثلاث واربع ..........واحنا مفرقعين من الضحك

يوم دارت الخامسه ............خوينا الحرامي انتبه ان الخط كل مره يتغير .....شان ياخذ كل الاوراق ويفتحها .............واحنا طبعا كلنا انحشنا.........الشباب طلعوا بره الشقه ..........وانا رزيت وجهي ودخلت غرفة النوم............عاد مايحتاج مسكني بزاويه ....ولسبني بواير المسجل ............وانا سكران من الضحك عليه.

لين جاوا باقي الشباب .........وفكني.



هع

[مها بنت فهد]

بنت العز <<< مسكينه السوريه ..

عبدالله بن محمد على <<< ههههههههههههههههههههه مفهي خويك يقولون ((وعلى بيانكم ترزقون ))

ديما << سكتي لا افضحك مواقفك كثير هع هع هع

موقف جديد ..

من المواقف الي ترفع ضغطي الاطفال ( البزران )عندهم حركه ما يحتاج .. وهي وانا اشتغل على الكمبيوتر (لاب توب) يجون ويوقفون بكل برائه ويناظرون فيك .. المنظر طفولي ودك تبوسهم .. لكن ! يدهم الثانيه شغاله بالازارير وتلاقيه كتب لك سمفونيه او حذف لك مجلد ...

اكيد الكل يعاني منها

[ناصر بن محمد]

هااااااااااااااااااااااااااااااااااااااااااي

وش رايكم بهذا الموقف

أول ما بديت العمل كنت أشتغل بأمانة منطقة الرياض وكان أسمي أيامها (عرفات) قبل التغيير ..

وكنت مسؤل عن مجموعة من المعاملات تخص المواطنين ويكون عادةً علاقتي معهم مباشره ..

طبعاً مره راجعنا بالإداره (شايب بدوي) يسأل عن معاملته .. فدخل عند المدير ..

وقاله المدير روح أسأل عن معاملتك عند (المهندس/ عرفات) ولأن مكتبي كان أخر مكتب بالممر والشايب البدوي هذا ما عمره شافني ..

فدخل الممر وهو ينادي بأعلى صوته (يا بش مهندز عرفات .. يا عرفات باشا .. يا عرفات بيه) .. وطبعاً هو جالس ينادي علي وباللهجه المصريه ..

فجأة شاف نفسه بآخر الممر وما فيه إلا هو وهذا السعودي إللي لابس شماغ وجالس على المكتب >>> إللي هو أنا

فسألني الشايب (وبرضوا باللهجه المصريه): يا أبني ما شفتش الباش مهندز عرفات

قلت له: تفضل معاك

قال (وبرضوا باللهجه المصريه): لا لا لا .. أنا عاوز الباش مهندز عرفات إللي معاكو هنا

قلت له (وأنا ميت على حالي من الضحك .. وباللهجه المصريه): أنا أهوه أدامك الباش مهندز عرفات إللي أنت بدور عليه

طبعاً عينك ما تشوف إلا النور وجه الشايب البدوي ما صار ينشاف من كثر الخجل .. وجلس يعتذر ويتأسف والمسكين منزل راسه .. ويقول والله ما أدري واعذرني كنت أفتكرك .... ههههههههههه


على فكره كانت أحد المواقف إللي قررت بعدها تغيير أسمي .. بس وش رايكم بالموقف

[مها بنت فهد]

هههههههههههههههههه ضحكتني والله مسكين البدوي .. بس اسمك مليان بالجامعه وانا رسخ في بالي انه لولد ..

مرسي على الموقف وياليت تحط لنا موقف ثاني من اسباب تغيير اسمك ..

[امـيـ البحــ7ـــور ـــرة]

لقيت هالسالفة في منتدى ومت من الضحك على خبالة

اترككم مع موقفه

كنت معزوم على عشاء الموقف إللي يفطسني من الضحك إذا تعشينا وعقب العشاء شفت شايب ينعس .. هههههههههه والله ماأمسك نفسي ..وخصوصا لاشفت راسه يتدودل ويفز يشوف أحد إنتبه له وإلا لا ههههههههههههه تصدقون من كثر ماأتابعهم صرت أعرف وش خطوات نعاس الشياب خطوة بخطوة ..
اول شي تلقى الشويب النعسان يبغى الفكه من السوالف لايسولف ولايرد على إللي يسولف عليه
ويتراكا على المركي بكوعه وكفه تحت خده.. بعدين يتثاقل رموشه إذا أرمش يطول مايفتح عيونه وإذا فتح عيونه يناظر السقف وفاتحن فمه (متنح).. بعدين إذا غمض وأرمش ..الغمضة هي الغمضة .. يغط له نص دقيقة وتشوف راسه يميل شوي شوي وكوعه يزحف على المركا شوي شوي .. وفجأه يفز ويتلفت يشوف أحد أنتبه له وإلا لا.. هههههههههههههه ..وكل دقييقتين يتكرر الموقف وتشوف راسه يتدودل ههه هذا أكثر شي يضحكني أحسن شي إذا كانوا شياب إثنين نعسانين على نفس المركا هههههههههه حفلة والله ... كل واحد يدف كوع الثاني ههههه ماناقص إلا تصك روسهم ببعض..والمشكلة أول واحد يفز من نومه يلتفت على خويه يسأله هــاه يابوفلان أفا نمت هههههههه ....

مرة كان شايب يسولف على شايب نعسان عن سالفة رجال قديمة صارت تقريبا قبل مية سنة عن رجال مدري وش سالفته المهم . والشايب كان متحمس بالسالفة وإللي جنبه نعس وكل شوي يقوم ويرد عليه يعننى متابع السالفة معك .. يسمع أخر جلمة ويرد عليها.. يقول الشايب إللي يسولف ويركب أبوسليمان فرسه .. ويرد النعسان .. إنت يا ..ويقول بوسليمان... بعد شوي الشايب راح بسابع نومه وخويه المتحمس دخل بسالفة ثانية.. ويصحى الشايب الثاني ويقول ..إنت يا..بوسليمان...إلتفت الشايب إللي يسولف عليه بنص عين ويقوله وهو منقهر أقول قم رح إرقد عند عجيزك بس

أحلي شي إذا كان فيه شايب نعسان ويصرف ..عقب ماينعس ويغط بالنومة أول مايفز من النوم تلقاه يسوي أي حركة يعننى ماكنت نايم .تلقاه أول مايفز من نومه يقول صب قهوة أو جب موية ..المشكلة عليهم حركات تصريف مال أمها داعي وبعض وتصريفاتهم هي إللي تكشفهم لو إنهم ساكتين ماحد درى إنهم كانوا نايمين .. تلقى الشايب أول مايفز من نومه يناظر ساعته ويقول حطوه على الأخبار. وهم في مجلس مافيه تلفزيون أصلا هههههههه

وترى العجايز عليهم حركات ماهي بعيدة عن أزواجهم الشيباب هههههههههههه .. أكثر شي يضحكني إستغفر الله صلاة العجايز . الظاهر ملتهن غير ..مدري من ضاحك عليهن قايلهن أركان الصلاة أهم شي ماتاكلين ولاتسولفين بس.. وإلا الباقي عادي.. تلقاها تصلي وتلتفت على الرايح وإللي جاي.. والظاهر عندهن في ملة العجايز اليدين مالها دخل بالصلاة.. تصفق وتأشر وتحكحك وتزبط الجلال ..عادي أهم شي ماتسولف بس ..
لادق التلفون وماحد عنده تصفق بيديها قوة يعنى إسمعوا ههههههههههههههه ..
وإذا تهاوشوا البزارين عندها وهي تصلي تهددهم بإصبعها وتحطه تحت رقبتها تحلف فيهم بأذبحكم.. وإلا أحلي شي إذا فيه شي ضايع يدورنه في البيت وهي تعرف مكانه ماتنتظر لين ماتخلص صلاة ..لا ..عادي تصفق بيدها وتأشر مرة وثنتين وثلاث..... لين مايلقونه ..وإذا مافهموا إشارتها ..تنقهر وتأشر بكفها وأصابعها مقوسة بقوة كأنه بتشمخ ..هذي الحركة معناها إن العجوز عصبت وتقول كش عليكم هههههههههههههههههههههه

هذي أكثر المواقف إللي تضحكني ...وإذا تذكرت غيرها بقولها لكم وإنتم وش أكثر المواقف إللي تضحكم ..وإنتم من الناس إللي تقدرون تمسكون أنفسكم لاضحكتوا وخصوصا في المواقف الجادة والمناسبات..وإلا لاضحكتوا خلاص مافيه أمل تسكتون ومن أول ضحكة ينفرط مسباح الضحك وتفطسون من الضحك وتكركرووون هههههههههههههههه وكل مابغيبت تمسك نفسك أكثر تضحك أكثر وأكثر

[امـيـ البحــ7ـــور ـــرة]

رجعت ثاني مرة للمنتدى لقيته حاط ذا الصورة

خخخخخخخخخخخخخخ



أبشركم جيت من العشا وجات سليمة شفت شايب ينعس وراسه يتدودل بس مسكت نفسي ماضحكت وهذا أنا صورته لكم في العشا
http://www.flashfp.net/uploader/modules/up-pic/pic/uploads/90be79c828.jpg (http://www.flashfp.net/uploader/modules/up-pic/pic/uploads/90be79c828.jpg)

ترى الشياب إللي على اليسار كلهم ناموا هههههههههه يعنى لو فجأة يطيح فنجال وينكسر من الروعة يقومون متبهبهيــن ويحبون خشوم بعض .. يحسبون توهم جايين هههههههه
يعني تخيلوا كل الصفة نايمة ولامال راس أول واحد على إللي جنبه سووا زي صفة الدومينوا كل راس يطيح على أللي جنبه هههههه وآخر واحد يصقع بالجدار وبعدين يرتد راسه عليهم بسرعة واحد واحد وتسمع صوت أصابع بيانو كأنك خارشة بأصابعك طرررررررررررن

[بسمة الأمل]

ههههههههههههههههههههه
الله يقطع بليسك
مشكورين على المواقف المضحكه

[مها بنت فهد]

اميره البحور السبعه - بسمه امل مشكورين على المرور والمواقف ..

[عبدالله محمد علي]

وترى العجايز عليهم حركات ماهي بعيدة عن أزواجهم الشيباب هههههههههههه .. أكثر شي يضحكني إستغفر الله صلاة العجايز . الظاهر ملتهن غير ..مدري من ضاحك عليهن قايلهن أركان الصلاة أهم شي ماتاكلين ولاتسولفين بس.. وإلا الباقي عادي.. تلقاها تصلي وتلتفت على الرايح وإللي جاي.. والظاهر عندهن في ملة العجايز اليدين مالها دخل بالصلاة.. تصفق وتأشر وتحكحك وتزبط الجلال ..عادي أهم شي ماتسولف بس ..
لادق التلفون وماحد عنده تصفق بيديها قوة يعنى إسمعوا ههههههههههههههه ..
وإذا تهاوشوا البزارين عندها وهي تصلي تهددهم بإصبعها وتحطه تحت رقبتها تحلف فيهم بأذبحكم.. وإلا أحلي شي إذا فيه شي ضايع يدورنه في البيت وهي تعرف مكانه ماتنتظر لين ماتخلص صلاة ..لا ..عادي تصفق بيدها وتأشر مرة وثنتين وثلاث..... لين مايلقونه ..وإذا مافهموا إشارتها ..تنقهر وتأشر بكفها وأصابعها مقوسة بقوة كأنه بتشمخ ..هذي الحركة معناها إن العجوز عصبت وتقول كش عليكم هههههههههههههههههههههه



اما صلاة العجايز .................. من جد مت من الضحك
لووووووووووووووووووول
يسلموا اميرة البحور السبعه