ماهو أقدم شي تحتفظ به ولماذا00000000

[خالد بوياسر]

ماهو أقدم شي تحتفظ به ولماذا00000000
________________________________________

كل واحد منا له ذكرياته ..ومواقفه التي تختزنه العقل والقلب و أشياء صغيرة.يمكن

ماتكون في قيمتها المادية شي يذكر .. ولكنها بقيمتها ..لنا ..بما فيها من ذكرى

لنا تشكل أهم الأشياء ونحتفظ بها يوم بعد يوم..سنه وراء سنه ..


كل ما نظرنا لها تتجدد الذكريات يمكن يكون رسالة أو ساعة يد أو قلم أو ميدالية

نقش عليها حرف غالى أو ورده أو زجاجه عطر

تتعدد أشياءنا الصغيرة في حجمها ..الكبيرة في قيمتها لأرواحنا وحياتنا

ســــــــؤالي لكم


مـــــــا هو أقدم شي تحتفظ به إلى الآن ؟؟؟؟؟


ولماذا --------------------------------

[إبراهيم خالد]

الصراحه كان شي شفته قبل خمس سنوات ..وإلى الحين اتذكره ولو في عقلي ذاكره كان نزلته لك مقطع .. هه هه هه :)

اما مسالة ليه فـ مشكله شووي ..

اما اذا شي معنوي .. فـ عندي سبحه من 4 سنوات للحين ..

وليه لانها من واحد عزيز على قلبي شفت ..هه هه هه هههههههههههههههههههه :)

ابراهيم بن خالد

[دلوعة الظفر]

أنا أحتفظ بهدايا الإبتدائية والشهادات
لأن إذا فتحتها أشعر بالسعادة

[أحلى البنات]

أنــــــا بصراحه أحتفظ برسائل بنات متــــوسط خ خ خ خ ;)

وشهادات التفوق من ابتدائي إلى الثانوي :)

مشكور أخوي بوياسر على هالموضوع الحلو

تقبّل مروري ..
أحلى البنات :25:

[ياسر بن عبدالله الظفر]

الشهادة التي احتفظ بها هي شهادة الصف الثالث الابتدائي
لانها الشهادة الوحيدة عندي الى الآن مكتوبة بخط اليد
:27:

[بحرينية كول]

عندي شغلات لو اوريكم اياه تموتين ضحك علي

تعرفون الاول القرقيهان عندي بختق من يدتي .. ماقدر فيه

وعندي الى الحين .. وجذيه شغله بس هذا عزيز علي

اتذكر وانا ياهل ههههههههه اموت على نفسي ضحك


واذا ليه احفظه لانه من يدتي بعد عمري

مشكوور يا خالد

اختكم

بحرينية كوول

[خالد بوياسر]

حبيبي ابراهيم

عاد ما قلت منين هالسبحة

بنسوي معرض للتراث وودنا نشوفها في ذا .

[خالد بوياسر]

دلوعة الظفر

أولا : مبروك التفوق

وحصولك على جائزة الأمير محمد بن فهد

و إن شاء الله دوم يابنت أخوي

[خالد بوياسر]

أحلى البنات

ما شاء الله عليك كلها تفوق ،

وهذا واضح من مستواك الثقافي ومواضيعك وردودك .

* من ابتدائي إلى ثانوي ، عقبال الشهادة الجامعية يا أحلى البنات

بالتوفيق إن شاء الله

[خالد بوياسر]

ياسر بن عبدالله

أتوقع أنك في المرحلة الثانوية

بس غريبة شهادة مكتوبة باليد

فعلا : احتفظ بها يا ياسر

[أسامة الثنيان]

أقدم هدية أحتفظ فيها إلى اليوم ..

هــي .. بــوصــلــة ..

من صديق الدراسة وأقرب الناس لي وقت الدراسة ..
تقريبا الهدية لها أكثر من عــشــ10 ــر سنوات ..

وسبب إحتفاظي بالهدية .. لأنها من صديق العمر ,,

[خالد بوياسر]

بحرينية كول

الله يخلي لك جدتك

وهدايا الجدة تظل ذكرى

مشكورة لتلطفك بالتعقيب على موضوعي

[مها بنت فهد]

والله انا عندي دولاب الهدايه .. اول قرقيعان لى مع صديقاتي وهداياي منهم وهدايا خاااصه وهدايا من شتى البقاع وهديه الوالد من المغرب وغير الرسايل الى كنت اتبادلها مع اصحابي واشياء تموت ضحك ..

اول كمبيوتر كبير محتفطه باشياءه مع انه اختفى من الوجود .. واشياء كثيره لو افتح دولابي واصوره بتضحكون .. بكت ساعه والساعه ضاعت <<< معروفه تضيع اشياءها حتى الذهب يضيع مني خخخخخ

[خالد بوياسر]

أسامة

ها البوصلة للبيع

القديم غالي

مشكور أسامة

[خالد بوياسر]

مها

بكلامك شوقتينا

تقولين لوأفتح دولابي واصوره بتضحكون

نبي نعرف وش في هالدولاب

صوريهم ، لا يجي النمل الأبيض ويعفس الدولاب


مشكورة مها بنت فهد

[كلي غلا]

الشي الوحيد الي أحتفظ فية أسمي لاني أنا ماأحتفظ في شي كل شي يضيع مني
الا حصى من مزرعة جدي بس مو قديمه قبل كم شهر تعبت عليها طلعتها من تحت الارض ....

[هاجر بنت عبدالله]

و ربي احترت بالأشياء القديمـة ..

يمكن أقدم شي برواز من خالـي .. من سادس ابتدائي ..
واحتفظت فيه .. لأنه مـــن خـــالي ..



خالد بو ياسر .. أعدت لي ذكريات قديمـــة .. شكراً

[خالد بوياسر]

كلي غلا

ما شاء الله عليك تجمعين حصى

....................

مشكورة لتلطفك بالتعليق

[خالد بوياسر]

مسألة وقت

من زمان فاقدين ردودك

الحمد لله على السلامة
.....................

الذكريات دائما جميلة

مبروك البرواز / وإن شاء الله تبروزين به الشهادة الجامعية بتفوق .
............................

ودي أشوف لك موضوع في المنتدى قريبا .

[عبدالله محمد علي]

هلاوين بوياسر

عاد انا من الناس اللي مايقطون شي ابدا...... ولك التصور بالاغراض اللي عندي ....صحيح بعضها خرده......بس لما اشوفها ....على طول اتذكر (الحقبه الزمنيه ) اللي كانت فيها.


بس من الاشياء اللي احب احتفظ فيهم (الصور)...........كل مازهقت ....طلعتهم وجلست اضحك.

في عندي صوره يوم كان عمري تقريبا 3 سنوات......معلقها بالصاله عندي...... وغاث زوجتي فيها......... كل مازهقت ...قلت لها تاملي الصوره وتشعرين بالفرح.
وانا مسمي الصوره (منافسة المالونيزا).هع

[مها بنت فهد]

عبدالله بن محمد قصدك الصوره المرعبه الى حتى ضرس العقل مبين فيها وين ركاده موناليزه وصورتك خخخخخخخخخ بو ياسر ساله عن البلاوي الصور مافي صوره سنعه حتى عقنقز مصوره <<<< تبي تشق صورها بس عنده بالتجوري .. خخخخخخخخخ الله يعين ام محمد علي صورتك الى بالصاله خخخخخخخخخخ تكفى حطها توقيع لك ههههههههههههههههه


مشكور بو ياسر بس دولابي متحف خاص ولا متحف الحسا ههههههههههههه

[علي بن إبراهيم]

لو على اللي محتفظ فيهم .:(

(-- ولد خالك .. ماسرع مايجيه الشئ ويطير ..

بس يمكن .. اغلب اللي محتفظ فيهم والى هالحين ...(----

ساعه من امي . (--- يوم اني نحجت من ثالث ثانوي .:)



تسلم يالغلا . ولا هنت .(--

ودي اعلق على ردود ..(-- بس مو هالحين . خخ خخ

تحياتي لك


علي بن إبراهيم

[نبض الإخاء]

خالد بوياسر

جزاك الله خيراً على الموضوع

كم رائع موضوعك حيث نسترجع فيه شريط ذكرياتنا

أتذكر أول هديه لي كانت مصحف من صديقي

كانت أجمل هدية بالنسبة لى ....ويكفي أن الهدية كتاب الله ...

ومن إنسانه كذلك مميزه حفظها الله لإهلهااااااااااااا

[دانة الظفر]

اما منافسه المنوليزا
<< هين تطفرها:13:
هاها لا تصدق
_________________

كل انسان يحتفظ باشياء عشان لما يطالعها يتذكر صاحبها بالنسبه لي مو الصور و لا الهدايا هي اللي تخليني اتذكر اصحابها
لان : الواحد لما يحب انسان ما ينساه و لا اعتقد انه راح يحتاج هديه تذكره به

________________

قبل ما اختم ردي اقولك " مشكوووور بو ياسر عالموضوع "
تقبل مروري .. الدانة ..

[خالد بوياسر]

عبد الله بن محمد

مها بنت فهد

علي بن ابراهيم

نبض الإخاء

دانة الظفر


أشكر لكم عبوركم وتعليقاتكم على الموضوع

كل واحد ودي له تعليق خاص لكن لضيق الوقت وانشغالي اليوم .

وودي أختار واحد بعد فترة لأفضل شيء احتفظتم به وأفضل تحليل لماذا ، .

[مها بنت فهد]

العفوا يا بو ياسر ..

بس مافهمت هل جمله

وودي أختار واحد بعد فترة لأفضل شيء احتفظتم به وأفضل تحليل لماذا ، .

[خالد بوياسر]

يعني يامها

مثال / البحرينية : تقول عندها بخنق /

التحليل والسبب / لأنه من جدتها أعطتها إياه أيام القرقيعان

..............................

اختارت بحرينية كول شيء قديم / والسبب روعة .

.............................

لذلك راح أنظر من يأتي بشيء أفضل مما عند بحرينية كول

في كم واحد نافسها في الأمور القديمة ,

[مها بنت فهد]

ما عندي شي مميز ..:)..

[ابراهيم خليل]

الصراحة أقدم شيء عندي هو مقلمة من أمي
يوم أنا في صف رابع إبتدائي جابتها حق الإختبارات النهائية
و أنا أوديها حق أي إختبار من يوم شرتها لي

[ظفر 910]

أنا أهم شيء احتفظ فيه ومش ممكن أعلم به أحد

أسرار أخوي بوياسر من يوم كنا في المتوسط ( أيام المراهقة )

أتوقع أنك يابوياسر موافقني إني ما علم أحد إلا إذا كان البساط أحمدي

ذكرتني ( أحمدي ) قل يابوياسر والله لا أحمدي ولا نجاد هههههههههههههه

تحياتي أخوك خالد بن إبراهيم ( ظفر 910 )

[ديما]

انا عندي غطا لعطر جدتي ام فهد عجبني شكل الغطا واخذتها وصارت عندي تقريبا 4 سنوات وعندي مسواك كان لجدي عبد الرحمن بن علي الله يرحمة , صار له عندي تقريبا 6 سنوات والحين طولة ما يجي 3 سم لانه من عطاني اياه اقعد اقصص فيه بالمشرط :D هع هع هع
وانا احتفظ بالغطا لان شكلة يجنن بغض النظر عن شكل العطر
وبالنسبة للمسواك لانه كان هدية من جدي الله يرحمة

[نـور الظفر]

انا عندي اشيااااااء وااجد قديمه حتى اني يمكن لما اقول لكم عنها يجيكم ربو<<اسم الله عليكم ..

بس اللي جد من زماان عندي بس دايم افتحه واشووفه ((احرام مسويته لي جدتي ((الله يرحمها )))
من زمااااااااااااااااااااااااااااااااان عندي ..وليش محتفظه فيه ...لانه من ريحه الغاليه جدتي..

((اذا تذكرت شي ثاني اقدم بقوول لكم عنه ))

.:.نور الظفر.:.

[خالد بوياسر]

ظفر 910

استر على ما واجهت ،

* ودي أقولك البساط حمدي .

لأن مراهقتنا فيها البساطة والعفوية والبراءة .

* بس لاتخلوا المرحلة المتوسطة من مقالب مضحكة . حتى مع مدير المتوسط .





* مشكور خالد بن إبراهيم / رجعت لي ذكريات حلوة قبل 70 سنة تقريبا ،، خخخخ.

[هاجر]

اقدم شيء احتفظ فيه دفتر ذكرى من يوم وانا 3 متوسط
كاتبين فيه لي بنات صفي
احتقظ فيه لانه يذكرني فيهم :d8:

وبعد شهاداتي من يوم انا بأولى ابتدائي
مشكوور خالد بو ياسر على الموضوع ..

[إبراهيم خالد]

* مشكور خالد بن إبراهيم / رجعت لي ذكريات حلوة قبل 70 سنة تقريبا ،، خخخخ.

والله ما استغرب يا بو ياسر ..----( الجندان متعلم على يدك .. ومدري بعد يمكن بالغنيم يمكن بعد ..

ههههههههههههههههههههههه

[خالد بوياسر]

ديما


نور


هاجر

إبراهيم

مشكورين للتعليقات الجميلة

والتعقيب على موضوعي

[أنفاس مطر]

كل واحد منا له ذكرياته ..مواقفه التى تختزن في العقل والقلب و اشياء صغيره ..يمكن ماتكون فى قيمتها الماديه الكبيرة ..

شى يذكر .. ولكنها ليست بقيمتها إنما بما فيها من ذكرى لنا تشكل اهم الاشياء ونحتفظ بها يوم بعد يوم ..سنه وراء سنه ..

كل ما نظرنا لها تتجدد الذكريات يمكن تكون رساله او ساعه يد او قلم او ميداليه نقش عليها حرف غالى او ورده او زجاجه عطر

تتعدد اشياءنا الصغيره فى حجمها ..الكبيره فى قيمتها لأرواحنا وحياتنا


ســــــــؤالي لكمـ

مـــــــا هو اقـــــــدمـ شي تحتفظـون به الى الان ؟؟ ؟؟


ولــــــــــــيـــــــــش ؟؟

[فارس هجر]

ملاك الكون
مشكور أختي على طرحك ويارب يعطيك العافية
لاحرمنا جديدك
.
اما أقدم شي قدم لي وللحين احتفظ فيه
كانت صورة تذكارية أنا وأخوي الصغير
وكان عمري وقتها ( 10 سنوات ) والى الحين احتفظ فيها
.
تقبلي مروري واحترامي
فارس هجر