تعلم اللهجه الاماراتيه في دقايق!!

[خالد بوياسر]

بسم الله الرحمن الرحيم

السلام عليكم ورحمة الله وبركاته ،،،

تعلم اللهجه الاماراتيه في دقايق!!

ربما يكون هناك تشابه وتقارب في بعض الكلمات بيننا وبين اخواننا في الدول
الاخرى,,,

وسأحاول تعريفكم على بعض من لهجتنا الامارتيه :


الشبريه = السرير

كبت = خزانه الملابس

مسيد = مسجد

هيه = نعم ( إيه )

بسير = بروح.

بوش = مجموعه الجمال ( النوق )

غرشه = زجاجه

موتر = سيارة


كشخه = زين او تعبر عن اعجابك بشئ

الدوبي= اللي يكوي الملابس

سامان= أغراض

شرات = مثل

وين سايرين= وين رايحين

اخطف عليك = امر عليك

ارمس= تكلم

ربيع = صديق



ما تيوز = ما تترك

خلاف = بعدين

أزغر فلان= ناده

المزغوده = المخنوقه

خاري , وبرع = برا ..

بنيه = بنت

ماي= ماء

يرمسون = يتكلمون

يالس = جالس

مخده = وساده

منز= سرير الطفل..

ويع= يعني آلم ..


حووووووووووه= نوع من أنواع النداء..

خديه = يعنى واحد اهبل مجنون ..

راقد= نايم

دختر= مستشفى

برنوص= الشرشف

الصرمة = النخلة

السحارة= الصندوق

الطوي= البئر

انعتني = ارشدني

نعوب= الشخص اللي دووم يعااارض

طشونه= شويه

هيد= اصبر




منقووول ..

[علي بن إبراهيم]

مع الصباح المشرقي ابوياسر .. يبدعي :)

(-- يبدعي = بمعنى يبدع مع الصباح لكن تماشياً مع اللحن خخ خخ خخ .:)

مسيد = مسجد

ترى مو بس الأمارتيين .. اللي يقولون مسيد . حتى اغلب دول الخليج معقدتهم الجيم ... جبن = يبن ---- جمر = يمر خخ خخ خخ

هيه = نعم ( إيه )

بس ترى حلوة هالكلمه وهي طالعه منهم .:)

بوش = مجموعه الجمال ( النوق )

ياحليل .. بأمريكا بوش عندهم رئيس وبالامارات .. نوق .:) علم يا ابوهزاار هه هه هه

الدوبي= اللي يكوي الملابس

(-- أول مرة اسمع بها .:)

سامان= أغراض

بوياسر قلبنا هنوود هه هه هه .:) ولا بعد هنود سباكين .. ماحس كلمه سمان الا عند الهنود السباكين ليه مدري .:؟ هه هه

شرات = مثل


هم بعد هالكلمه اول مرة اسمعها .:(


أزغر فلان= ناده

المزغوده = المخنوقه

خاري , وبرع = برا ..

اتعب على هالكلمات من جد يبي لهم قاموس .:)

ويع= يعني آلم ..

احنا ويع عندنا . نكرة الشئ .. وهم الم .:( --- من جد فرق الساعات بينا وبينهم يسوي شغل .
(-- وش دخل الساعات هه هه هه (-- طرت على بالي .:)

نعوب= الشخص اللي دووم يعااارض

والله تحفه من جد ... :)



(-- مستغرب من بعض الكلمات .. من جد عليهم مصطلحات .. مدري من وين طالعه .... بس بعض الكلمات ماتحلى الا على صاحبها ... حتى لو بالنطق ...:)


تسلم يا ابوياسر على هالنقله الحلوة وماقصرت .. على هالانتقاء

واذا ودك .. سو اختبار .. لنا خلن نشوف اتقنا المهارة الأماراتية ولا .:) هه هه هه


تحياتي لك .


علي بن إبراهيم

[خالد بوياسر]

مع الصباح المشرقي ابوياسر .. يبدعي

والله وصرت شاعر يا علي

تصلح تصير نشيدة للصغار

بس لحنها .

مشكور ياعلي

[مها بنت فهد]

واضف الى ذالك ..


بنش : بقوم
نشة : قامت

قوم : كلمه يقولونها لشخص كانه قبيله موشخص :) مثل قوم امايه - قوم اخوي وهكذا

بشكاره = شغاله << اهم شي

والباقي لما اتذكر بااااو

[خالد بوياسر]

بشكاره = شغاله << اهم شي

إضافات حلوة

وكلمات مهمة

مشكورة يامها

[إبراهيم خالد]

خاشوقاا ---( الملعقه ...

==============

العم بو يااسر .. الف شكر لك على الموضوع ...

خو انت ما يحتاي نمدح ..

داايم مواضيعك تحفه ..

تقبل مبرووري .. ابراهيم خالد

[نـور الظفر]

عاد اللهجه الامااراتيه عندي سهله حييييل ..<<هي تعرف نص لغتهم ووناويه تكمل عشاان تعرف كل لهجتهم ..

يسلموو خيو ..

.:.نور الظفر.:.

[ديما]

المزغوده = المخنوقه
ههههههههههههههههههههه
ذكرتي بالتاء المزنوطة هع هع
شكل التاء الي على شكل 9
بخلي اسمها التاء المزغودة
هع هع هع

اقول عمي بوياسر انشاء الله اعجبكم رمسي
ارمس= تكلم
يرمسون = يتكلمون
<<< تقصد كلامي بالخلاصة ردي :D

[خالد بوياسر]

خاشوقاا ---( الملعقه ...

ابراهيم بن خالد

كلمتهم غلجة --- يعني صعبة

[خالد بوياسر]

عاد اللهجه الامااراتيه عندي سهله حييييل


نبي نسوي قاموس للخليج

شرايك يانور

أنتي إماراتية وعندنا بحرينية كول وأنا عماني ..خخخخ

[خالد بوياسر]

اقول عمي بوياسر انشاء الله اعجبكم رمسي
ارمس= تكلم
يرمسون = يتكلمون
<<< تقصد كلامي بالخلاصة ردي


بدأت ديما

[مها بنت فهد]

ماروم ما ارجع للموضوع ... يعني ما اقدر ..

وعي عليه مسيشين جتلوه .. يعني قتلوه <<< هل كلمه في قديم الزمان كنت اسمعها ( شتلى الصرصور خخخخ) .. ايام ماكنا فتحيه ورده ..

شروات منو : يعني مثل منو ..

يا حلو رمستهم والله :) ورمستنا بعد

[نـور الظفر]

ابد هذا مهاوي كفت ووفت ..


.:.نور الظفر.:.

[خالد بوياسر]

مشكورة لمرورك أنت يانور ومهاوي

[صناع النجاح]

موضوووع رائع جدا

ابداع وان كـان منقولا

فهاذا يدل على ثقااااااافتك العاليه

بصراحه سهلت علينا يا عم بوياسر

لهجه ولا يعلى عليها

ماقصرت الله يعطيك العافيه

نحتري مواضيعك بكل شوق

أختك
صناع النجاح

[خالد بوياسر]

أخجلتيني ياصناع

بهذا الرد

تشكراتي لك

يا صناع النجاح

[الجـــوري]

الســلام عليــكم ورحمة الله وبركـــاته...

وصلت الاماراتيه ...هع

وعي عليه مسيشين جتلوه>>> شو هالتنقيعات....هذي جمعت الحساوي بالاماراتي...مسيجين..مو مسيشين...

شروات منو : يعني مثل منو ..>> ليش وين نحن في السوق هع...شرااات مو شرواات...

وتسلمـ اخــوي بوياسر ع الموضوووع الكشـــخه...

بارك الله فيك وزادك من فضلــه...

دمت بود..

[جوان]

مشكور استاذ بوياسر


وماقصرت عالنقله الجميله



يالله خل نحفظ كم كلمه عشان نعيد ونزيد فيها مع الأهل


(كلش الان ينقالي ثقافتي عاليه لامه بلهجات الدول)


’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’ دلع علي ’’’’’’’’’’’

[ورقه خريف]

ههههههههههههههههخخ
والله بصراحه فيها بعض الصعوبه لأن أغلبها من الكلمات القديمه
بس يعطيك العافيه
تثقفنا شوي
وتسلم يدك يالغالي

أخوك\ ورقه خريف