كــرسيــ/ـ الإعترآآآف منــ نصيب " الروــح " ... *_#

[ديما]

قوانين الـــكرسي ..

1- المسابقة سوف تكون إسبوعيه.
2- إختيار العضو سيكون بناءا على ترشيحاتكم.
3- من يحصل على أكثر عدد من الأصوات ..سيقوم بالجلوس على كرسى الإعتراف والإجابة على الأسئلة المقدمة من الأعضاء.
4- التصويت سيكون لمدة يومين (من اليوم الاربعا وحتى مساء يوم الجمعه ) وبعدها سيتم إختيار العضو المكلف بالجلوس على كرسى الإعتراف.
5-على العضو أن يحاول الإجابة على الأسئلة المطروحة فيالمدة المحدودة وهي فى تمام الساعة 10 من مساء جمعه حتى تمام 10من مساء الثلاثاء.
6- من حق العضو المكلف بالجلوس على الكرسى رفض أي سؤال لا يراه مناسبا للرد عليه.
7- على الأعضاء القيام بكتابة الأسئلة الموجهة للعضو المكلف بالجلوس على الكرسى خلال المدة المحدودة وبعد نهاية المدة تتوقف الأسئلة.
8-الرجاء عدم التعرض للعضو بالأسئلة التجريحية أو ما يسيء إلى ديننا الإسلامي الحنيف.
9- سنقوم برؤية أكثر عضو تم التصويت له وعلى أساسه سيتم وضعه على كرسى الإعتراف .. وسنقوم بإبلاغه أنه تم إختياره ليكون على كرسى الإعتراف..

العضو المستجوب لهذا الاسبوع هو " الروح " :)

[ديما]

اهلآن وسهلآن الروح :) وهـ فديتس منوورهـ يآ بعددهم <~~ ادري تقولين وش عندهآ هـع

آل موووهيـــــــم

مقدمهـ البرنآمج : ديما
بمسآعدهـ : نـور الظفر

الروح ~~> السلام عليكم ورحمة الله ,, مشكوورهـ ع تلبيتك للمؤامرهـ لجلوسك ع الكرسي:d12:

ولــك منــي أسعلــه حليوهـ بالمرهـ بس شمري يابعدهم و نور بتجيب لك قلم مشان تحلي الاسئلة

لووووووووول

سـ/ أول بنت من العيله ضفتيها في الماسنجر ~~> :)

سـ/ كم لك في النت ~~> بالسنه والشهر والساعه ؟

سـ/ وش أكثر منتدى تدخلي فيه ؟ ~~> غير منتدى الظفر ؟

سـ/ في يوم من الأيام جاووك زوار بعد صلاة العشاء وانتي خلصتي من العشآ و تعشيتي
وصلو الزوار ورن جرس البيت وأنتي قمتي تفتحي الباب أول مافتحتي الباب تفاجأت !!! بأن الزوار هم (( صنآع النجآح ومعهــآ طبعآ انا ومهآ )) كيف راح يكون موقفك ؟

سـ / أحرج موقف حصل لك في حيآتك ~~> إجباري الجوآب لوووول ؟

سـ / تتوقع مين " سمو ذاتي " ؟ وش القرابه اللي بيني وبينها ؟ تعتقدي أنها تعرفك شخصياً ؟ ولكم موآقف وانتو صغآر ؟ :D

سـ / وش رأيك في هذا الطالب :
(( بيقله المدرس كم عمر أبوك ؟؟ جاوب عليه وقله > والله ما بعرف بس هو من زمان عندنا ~~> تلقائي ههههههههههههه ؟؟

سـ / دعاء بسيط في هذه الخواتم المباركه لأبوك وأمك ؟

سـ / كلمة بسيطة تقدميها لأعضاء ومشرفين المنتدى ؟؟

وهـ بس .. جآوبي يآ مرهـ

:d8:

[نـور الظفر]

مرحبااا مليوون فيج ..

>> ندخل دوغري بالاسئله >>متعووووب عـ دوغري

سـ1/شرايج بالدعوه "راحت روحج"؟؟؟<< طراا ببال ناس من سمعوا اسمج ..

سـ2/ شنو رايج باسئله دييوم .. وبديوم نفسها ؟؟؟؟

سـ3/ مين أحلى نك " بالمنتدى" ؟؟

سـ4/تتذوقين الشعر ؟؟ اذا ايه .. وشو احلى بيت شعر عندج ؟؟

>> ليـ عوده باذن الله ..

نواره

نواره ..

[عبدالرزاق]

اهلا وسهلا

بالروح في كرسي الإعتراف

الله يعينك ع الأسئله

بأطرح عليك كل يوم سؤال

:17:
,,,

سؤال اليوم

افضل مادة عندك

:)

,,,

سؤال سهل هاااا كل يوم عن يوم يصعب



:d12:

[الروح]

سـ/ أول بنت من العيله ضفتيها في الماسنجر ~~>
اممممممممممم بنت خالي نهى بنت سعد

سـ/ كم لك في النت ~~> بالسنه والشهر والساعه ؟
لي سنه واكثر بس كم بالضبط ما ادري :confused:

سـ/ وش أكثر منتدى تدخلي فيه ؟ ~~> غير منتدى الظفر ؟
مافي شي معين الظفر واحوس في google


سـ/ في يوم من الأيام جاووك زوار بعد صلاة العشاء وانتي خلصتي من العشآ و تعشيتي
وصلو الزوار ورن جرس البيت وأنتي قمتي تفتحي الباب أول مافتحتي الباب تفاجأت !!! بأن الزوار هم (( صنآع النجآح ومعهــآ طبعآ انا ومهآ )) كيف راح يكون موقفك ؟
عاديييييييييي العين اوسع لهم من البيت وحياهم الله في وقت انامومن النوع اللي لازم موعد ومن ذا الكلام خاصه مع اهلي

سـ / أحرج موقف حصل لك في حيآتك ~~> إجباري الجوآب لوووول ؟
كثير ماني متذكره بس في موقف مضحك ويخوف بعد
مره كنت سهرانه مع اختي الصغيره ولما جينا ننام كنت مشغله
الابجورة فجاء اشوف اختي تاشر وتقول وخر مناك والله اطققك
هااااااااااااااااااااا مين وينه مافي احد في الغرفه الا انا وهي
يوم سئلتها قالت شوفي فوق يوم طالعت فوق توقعي وش شفت ؟؟؟؟؟؟؟؟؟؟؟؟؟؟؟؟ ظلها في السقف خخخخخخخخخخ
سـ / تتوقع مين " سمو ذاتي " ؟ وش القرابه اللي بيني وبينها ؟ تعتقدي أنها تعرفك شخصياً ؟ ولكم موآقف وانتو صغآر ؟
مدري والله ويمكن لي مواقف معها اذا عرفت من هي
بس على مااااااااااااا اظن .......... انها هي ...... سـ / وش رأيك في هذا الطالب :
(( بيقله المدرس كم عمر أبوك ؟؟ جاوب عليه وقله > والله ما بعرف بس هو من زمان عندنا ~~> تلقائي ههههههههههههه ؟؟
هذا من النوع اللي ستغبي وهو ما في اذكى منه

سـ / دعاء بسيط في هذه الخواتم المباركه لأبوك وأمك ؟
اللهم عافهم واعفوا عنهم وتقبل منهم واطل في اعمارهم
وان شاء انهم راضين عني امييييييييين سـ / كلمة بسيطة تقدميها لأعضاء ومشرفين المنتدى ؟؟ اخوه واخوات ربي يوفقنا لما فيه خيرنا وصلاحنا
في الدنيا والاخره

الروح

[الروح]

حياالله ديوما <<<<< جت متاخره هههه من الاسئلة
هلا والله نواره ما عليه عادي جاي دوركم هع
سـ1/شرايج بالدعوه "راحت روحج"؟؟؟<< طراا ببال ناس من سمعوا اسمج ..
اول شي ارتعت اقول في نفسي اقترحت عليهم ما سوت علي
حطوها براسي
بس ما عليه تمونون
سـ2/ شنو رايج باسئله دييوم .. وبديوم نفسها ؟؟؟؟
حلوه هي واسئلتها وووووووووو تستحي !؟
سـ3/ مين أحلى نك " بالمنتدى" ؟؟
امممممممممممممممممممم مدري يمكن اسمي خخخخخخخ
امزح كلها حلوه
سـ4/تتذوقين الشعر ؟؟ اذا ايه .. وشو احلى بيت شعر عندج ؟؟
احيانا واحسن بيت عندي دايم اقوله
كن كالنخل عن الاحقاد مرتفعا
يرمى بالطوب فيرمي اطيب الثمر
الروح

[الروح]

سؤال اليوم

افضل مادة عندك

تاريخ و english
سؤال سهل هاااا كل يوم عن يوم يصعب

هو صحيح سهل بس لا تنسى جايك الموت يا تارك الصلاة
هع

الروح

[الجـــوري]

الـــــروح

|| الضحيــــة الثــآلثه ||


يالله طلعولج شغله في هالاجازة هه


نوآرة & ديــــومـ

مــآ أوصيكمـ :17:

[عبدالله محمد علي]

"الروح"

كم سؤال ع الطاير:

ليه بالذات مختاره اسم "الروح"؟

منو برايك "العضو الفعال"؟

وش كان انطباعك اول ماسمعتي عن افتتاح المنتدى...وهل سجلتي على طول او انتظري ....ولو كانت الاجابه انك انتظرتي ..وش كانت الاسباب؟؟

المؤامرات تدور من بعدك على "عبدالرزاق" ليجلس على الكرسي ...ممكن تعطين اصواتك العشره له؟؟

ولنا عوده.....

[راشد بن عبدالله]

شكراً

[محبة الرحمن]

هههههههههه
الروح
قويه هذه..
رأفه بك ماراح اسألك..
بس سؤال وااحد..
شو رايك فيني؟؟

[الروح]

الروح"

كم سؤال ع الطاير:

ليه بالذات مختاره اسم "الروح"؟
ليه مختاره اسم الروح ابد احسه جزء من شخصيتي صحيح
كلنا مخلوقين ولنا ارواح بس الروح فيها شي من الغموض
والانسان مهما حاول ان يتصنع ويظهر بغير صورته الحقيقة
تطقى صورته مهما كان القناع اللي لابسه عشان كذا اخترت الروح اللي هي روحي بدون تكلف
منو برايك "العضو الفعال"؟
العضو الفعال اللي تشوف بصمته على كل جزء في المنتدى
سواء كان بالرد او الطرح الو المناقشه

وش كان انطباعك اول ماسمعتي عن افتتاح المنتدى...وهل سجلتي على طول او انتظري ....ولو كانت الاجابه انك انتظرتي ..وش كانت الاسباب؟؟
اول ما سمعت كنت مو مصدقه وعجبتني الفكره لانها بصراحه همزة وصل بينا حنا اعيال الظفر
وبالنسبة للتسجيل لا ما سجلت على طول انا اصلا يمكن لي
بالمنتدى من 5 الى 6 شهور بس والسبب ليه علشان كنت
اسوي لي ايميل

المؤامرات تدور من بعدك على "عبدالرزاق" ليجلس على الكرسي ...ممكن تعطين اصواتك العشره له؟؟

العشرة اصوات اللي قلتهم ضدي تبيني اعطيهم عبدالرزاق ؟؟!!
:27:

طيب بعدين افكر :17:

الروح

[الروح]

راشد عبدالله

عفوا

[ديما]

يؤؤؤؤ وآخزيأأه ماعرفتي من " سمو ذاتي " لوووووووول هع خلاص مهب لازم ههههههههههههههههه

وهـ شو هل حكي بجد اغتشيت او خجلت المهم اجرحتيني ياستي :D

آآآل مووووهيــــم نرجع لمحو حديثنآ

سـ/ كيف بديت حياتك في " النت " ؟

سـ/ انتي راعيه مشاكل بالمدرسه ايام الثنويـ .؟

سـ/ تعرف تطبخ .؟ او تشوي .؟ او اي شئ ..؟

سـ/ كم سآعهـ تنآمي باليوووم ..؟

سـ/ كم سآعهـ تدخلــي النت باليوووم ووش نصيب منتدياات الظفر من وقتكــ ..؟

سـ/ سمعي أناشيد ؟ ......... إذا تسمعي .... مين أكثر منشد تسمعي لهـ. ؟

سـ/ تقري قرآن برمـــضأن ..؟ اذا تقري وش الجزء اللي وصلتي لهـ . ؟

سـ/ وش تسوي اــول مآ تدخلي الــنت ..؟ ~~> يعني تفتحي الايميل ولا ع طول المنتدى ....؟

سـ/ هل تتصف طبيعتك وهل أنت :-
مزاجي ؟ وهل مزاجك متقلب =
هادئ =
عصبي =
رومانسي=
عاطفي=
مرح =
فضولي=
مغامر =

سـ/ وش ـرايـــك فــي

الــبـــحــر

الـــســمـــاء

الـــصــحــراء

الـــدمـــعــه

البـــسـمــه

الـغــــربه

ديــ م ــآ

سـ/ وش السؤال اللي ماتبغى حد يسالـك فيهـ ؟ <~~ نآويهـ تسأله لووووووووول

وهـ بس :)

[الروح]

مروة
حلو سؤال خفيف
وش رايك فيني ؟!


وش رائي فيك
بنت خالي طيوبه واللي في قلبها على لسانها

وووووووووووووووووووووووووووووووووو
وبس

الروح

[ضحى عبدالله]

مبرووك عليك ,,

جايك اعفاء مني ,, :)

مارح اسألك ولا سؤآل ,,

الله معك

[الروح]

يؤؤؤؤ وآخزيأأه ماعرفتي من " سمو ذاتي " لوووووووول هع خلاص مهب لازم ههههههههههههههههه
[COLOR="RoyalBlue"]
هههههههههههههههه يمكن عرفتها ويمكن لا ويمكن هي
اللي في بالي انت وش عرفك خخخخ
وهـ شو هل حكي بجد اغتشيت او خجلت المهم اجرحتيني ياستي

آآآل مووووهيــــم نرجع لمحو حديثنآ

سـ/ كيف بديت حياتك في " النت " ؟
شلون بديت حياتي في النت :confused: اول شي امي حملت فيني ثم ولدتني ثم كبرت لين صار عمري 7 سنين ثم دخلت المدرسة ثم من ابتدائي الى متوسط الى ثانوي الى الجامعه ثم طلع النت او بالاحرى <<<<< ركزي زين تراها
كلمة متعوب عليها هع الناس تولعت فيه وشرينا جهاز
وركبنا نت وهكذا كانت بدايتي في النت :24:
سـ/ انتي راعيه مشاكل بالمدرسه ايام الثنويـ .؟
مشاكل طق ومطاقق لا بس احب اسوي مقالب في البنات واضحك
سـ/ تعرف تطبخ .؟ او تشوي .؟ او اي شئ ..؟
ايه اعرف اطبخ وسئلي ذاك اليوم يوم جيتوا عندنا :27:
سـ/ كم سآعهـ تنآمي باليوووم ..؟
امممممم لحظه بحسب من الساعه 5 الفجر الى 2 الظهر
يعني 8 ساعات
سـ/ كم سآعهـ تدخلــي النت باليوووم ووش نصيب منتدياات الظفر من وقتكــ ..؟
من ساعتين الى 3 ساعات مفرقه على اليوم كله والظفر
لها نصيب الاسد
سـ/ سمعي أناشيد ؟ ......... إذا تسمعي .... مين أكثر منشد تسمعي لهـ. ؟
ذاك اول كنت اشتري اناشيد واسمعها بس اللحين اغلبه من
التلفزيون
سـ/ تقري قرآن برمـــضأن ..؟ اذا تقري وش الجزء اللي وصلتي لهـ . ؟
الحمدلله بس عذرا ما اقدر اجاوب
سـ/ وش تسوي اــول مآ تدخلي الــنت ..؟ ~~> يعني تفتحي الايميل ولا ع طول المنتدى ....؟
لا على طول المنتدى ثم الايميل واحيانا ادخل النت واطلع ما افتح الايميل
سـ/ هل تتصف طبيعتك وهل أنت :-
هذا طبعا الناس تحدده بس بشوف شلون انا اشوف نفسي
ويمكن صح ويمكن لا
مزاجي ؟ وهل مزاجك متقلب = 2%
هادئ = 0% :27:
عصبي =ناس تقول اني عصبية وناس تقول اني باردة بس انا اقول يمكن 30%
رومانسي= امممممممم 20%
عاطفي= 30%
مرح = 40%
فضولي= 20%
مغامر = 50%

سـ/ وش ـرايـــك فــي

الــبـــحــر
ينطبق عليه مقولة اتقي شر الحليم اذا غضب

الـــســمـــاء
الصفاء

الـــصــحــراء
الهدوء

الـــدمـــعــه وسيلة او سلاح لكل شخص يعرف متى يستخدمها

البـــسـمــه
الامل والفرحه

الـغــــربه
اعظم غربه ان تكون في جمع غفير من الناس وترى نفسك غريبا عنهم

ديــ م ــآ
كنت اظنها طيوبه طلعت روحي بذا الاسئة هع :27:

سـ/ وش السؤال اللي ماتبغى حد يسالـك فيهـ ؟ <~~ نآويهـ تسأله لووووووووولهو بقى شي ما سئلتيه ما بقى شي


الروح

[الروح]

ضحاوي الله يرحمك دنيا واخره

والله كنت محضره لك مفاجاة بكره :24:
قلت بشوف :17:
اذا حطت اسئلة بهون هع:27:

الروح

[ديما]

:27:

طربق طربق طربق طآآح

طريييييييييييييييييق

اقووول عااد :: طبخك انما ايييييه لا يعلى عليه ~~> لقد اكلت اصابيعي من بعدهـ هع

ويصلمــ..وـوووووووووـو ع الاجابات الحلوووهـ

بس مآآبعفيــك لووووووووووووول

ركزي معــي

ترى الطيبة بطريق وانا بطريق <~~ امي قالت لا تخشي شئ

:17:

بالبدايه انا اسفه ياديما لاني ماسالت الروح السؤال اللي دايم اساله ~~> اكلم نفسي

صـــين رقم 1

تلقيت إتصالاً عاجلاً من طائرة توشك أن تقع الطائرة تحوي 5 ركاب ومظلة إنقاذ وحيدة الجو مشحون بالخوف والترقب .. كل الركاب يطلبون مساعدتك كي تختار من يستحق النجاة منهم .،

------> هذه إستغاثاتهم :

• كابتن الطائرة :
أنا أب لأربعة أطفال, خامسهم سيأتي بعد شهر, أمهم تحبني بجنون, أسرتي الصغيرة تحتاجني, لا عائل لهم سواي, أرجوك تفهم موقفي.. حاولت إنقاذهم وفشلت.. كل محركات الطائرة تحترق.. كلنا سنموت بعد دقائق. منذ ثلاثة أيام وأنا في الأجواء من بلد لبلد, فقط ساعة وسأكون مع أسرتي ..إنهم ينتظرون هداياي الآن..! أرجوك.. قدّر معنى أن تكون أباً .،

• سيدة حامل :
أنا في الشهر الثامن , شهر وسنكون أثنان..! نحن أثنان بالفعل, تفهّم حالتي.. نحن أثنان..! هذا الجنين ما ذنبه أن يحرم الحياة..؟ وأنا التي أحضنه.. ألا أستحق طوق النجاة هذا.؟ نتعب ونتألم كي نمنحهم الحياة, ولا نمنح نحن هذه الحياة.! أرجوك.. كلهم يبحثون عن حياتهم.. أنا ابحث عن حياة لأثنين !. إخترني .،

• طبيب جراح :
كنت في طريقي لمستشفى لإجراء عملية قلب غداً.. تفهم شعور ذلك المريض الذي ينتظرني.. لا يوجد أحد قادر على إجراء عمليات معقدة كهذه سواي.. فكر في مئات المرضى الذين ينتظرونني.. فكر في عشرات الأطباء الذين سيأخذون مني علم يخدم البشريه. لا تهمني الحياة بقدر ما تهمني حالات المرضى الذين ينتظرونني. ستقوم بعمل عظيم لو اخترتني .،

• مغترب :
ياااااهـ , ما أقسى الحياة, تغربت طويلاً لأجل لقمة عيش لا تأتي إلا من البعيد, قريتي التي غادرتها منذ عشرين سنه على مقربة مني الآن, كل هذه السنوات لم استطيع أن آتي.. .. ما أصعب من أن تحرم من وطنك.. وعندما يستقبلك هذا الوطن من جديد.. تحرم من الحياه!. على ساعه فقط! تخيّل بعد ساعه, أنتظر كل هذا الزمن وتحرمني ساعة وحيدة من لقاء أحبتي.. أمي.. أبي.. اخوتي الذي تركتهم صغاراً .. وأصدقائي و الأزقة التي ملأتها صراخاً يوم كنت صغيراً . أنا منهار صدقني. كل أحلامي بلقائهم ستتبدد إن لم تخترني .،

• طفلة ( 9 سنوات ) :
أنا صغيرة, كلهم جربوا الحياة طولاً وعرضاً, وجابوا دهاليزها, أنا في بداية الطريق, أشعر بالأمل ومملوءة بالطموح وبالفرح وبالغد المشرق أنا. ألا أستحق أنا الحياة التي يتشبثون بها!؟ أخترني ولا تحرمني غدي.

من تختار .؟؟

سـ/ مــــــــــــــــــــــــن ...؟

عضـو حبـوب (...)

عضـو خفيف دم (...)

عضـو ملغ (...)

عضـو مثقف (...)

عضـو توآجدهـ قليل (...)

عضـو له وحشـه (...)

عضـو تعرفه من قبل (...)

عضـو ودك تتعرف عليـه (...)

عضـو تصآميمه حلوهـ (...)

سـ/ آخر مرهـ ركبـتي بآص مدرسهـ ؟.؟

سـ/ رحت مكه المكرمه ؟ متى ؟ و كم مرهـ ؟

سـ/ نوع جوآإلك ؟

سـ/ شخصيـه أإو صفـه حلوهـ فيك ؟

سـ/ صفـه شينه فيك ؟

سـ/ آإخر مرهـ سآفرتي ؟ وين ؟

سـ/ عآدهـ ودك تتركيـــهآ ..؟

[عبدالرزاق]

"الروح"


المؤامرات تدور من بعدك على "عبدالرزاق" ليجلس على الكرسي ...ممكن تعطين اصواتك العشره له؟؟.....

هين ياعبدالله

وبعدين رجالين جلسوا على الكرسي المفروض بنتين يجلسون ع الكرسي هذا الروح الحين وبعدها ؟؟؟؟
:d12:


الروح

صوتي حق الي تبين لاترضخين للأصوات الخارجية (التأثيرات)

القرار بيدك

:d8:

,,,

وهذا سؤال سهل ثاني بعد احم احم :)

سؤالي

ماهو الأفضل من وجهة نظرك إستخدام الكمبيوتر والأنترنت

بجهاز لابتوت (محمول) او ديسك توب (مكتبي)

:d12:

[الروح]

من تختار .؟؟

اختار السيدة الحامل ليه لاني بكذا راح انقذ اثنين مو واحد
وان شاءالله يمكن الطفل اللي في بطنها يطلع شي مهم في المستقبل ( ومن احياها فكانما احيا الناس جميعا )

سـ/ مــــــــــــــــــــــــن ...؟


عضـو حبـوب
خالد بو ياسر احس الكل يكن له الحب والتقدير عضـو خفيف دم
كلكم خفيفن دم
ماشاء الله عليهم عيال الظفر عليهم خفة دم ما صارت هع
عضـو ملغ :confused:
ما فهمت وشو
عضـو مثقف كثير
منهم درة المنتدى عبدالله محمد علي خالد بو ياسر و عبدالرزاق وكثير
ان شاء الله اني ما ابخس حقهم
عضـو توآجدهـ قليل
مها فهد وصناع النجاح تواجدهم بالقطاره

عضـو له وحشـه
كل عضو غاب عنا ربي يرجعه بالسلامه

عضـو تعرفه من قبل
كل الاعضاء اللي من الظفر اعرفهم واللي خوالهم الظفر
بعضهم
عضـو ودك تتعرف عليـه
الجوري وغياهب ودلع علي

عضـو تصآميمه حلوهـ
اممممممممممممممم مدري ما ادخل منتديات التصاميم
سـ/ آخر مرهـ ركبـتي بآص مدرسهـ ؟.؟
الله يا ذا الغبره ركبته اخر مره في اولى ثانوي

سـ/ رحت مكه المكرمه ؟ متى ؟ و كم مرهـ ؟
ايه رحت وكثير واخر مره قبل رمضان ب 2 اسبوع
سـ/ نوع جوآإلك ؟
:27: ما عندي جوال ليه الاحراج طيب هع
سـ/ شخصيـه أإو صفـه حلوهـ فيك ؟
خفيفة دم بكلام اللي حولي
سـ/ صفـه شينه فيك ؟
بسرعه اعصب

سـ/ آإخر مرهـ سآفرتي ؟ وين ؟
اخر مره سافرت رحت مكه قبل شهر
سـ/ عآدهـ ودك تتركيـــهآ ..؟
ما عندي عاده معينه احب اتركها لاني اصلا ما احب اعود نفسي على شي يعني ما احب الروتين هع
ديوم جايك الدور اقول :17::(

الروح

[الروح]

سؤالي

ماهو الأفضل من وجهة نظرك إستخدام الكمبيوتر والأنترنت

بجهاز لابتوت (محمول) او ديسك توب (مكتبي)

والله على حسب اذا كنت بالبيت وما عندك شي يعني متفرق تفرق كلي للنت افضل انه يكون من جهاز مكتبي لانه اريح في الجلسه واريح في الاستخدام من حيث الكيبورد والفاره
اما المحمول فهو افضل شي في اذا كنت بره ومحتاجه ضروري معك اعرف ناس حتى وهي نايمه شابكه النت ما تستغني عنه عين نايمه وعين مفتحه على النت خخخخخخخ
حشى قطو مو ادمي هع
لا بس هي تعتمد على التعود يعني في ناس تعودت على الابتوب تقول هو احسن وناس تعودت على الجهاز المكتبي وتقول هو احسن
وووووووووووووووووووو مدري هذا رأيي

وبالنسبة للاصوات امممممممم احاول يمكن اغير رأيي ويمكن لا اذا نزلت من الكرسي قلت العشرة من له ؟؟!!

الروح

[صناع النجاح]

عضـو توآجدهـ قليل
مها فهد وصناع النجاح تواجدهم بالقطاره

http://www.do7a.com/up/get-10-2007-do7a_com_himfif0o.gif

في البداية أحب ارحب بالغاليه

الروح

في كرسي الاعتراف

الروح شخصيه سحرتنا بـ أخلاقها أولاً

وحسن تعاملها وتميزها وبـ مشاركاتها الفعاله والمفيده معنا

تميزت بـ مواضيعها الرائعه

شخصيه إتصفت بتواضعها و حضورها الراقى

لن أطيل الحديث

عزيزتي الروح

خذي نفس عميق وأجيبي على أسئلتي بكل هدووء

- أقرب إنسان لكِ ؟

- ما رأيك بالصداقة ؟

- هل ممكن الصداقة والحب يتحولان لكراهيه وحقد ؟

- دعاء ترددينه دائما ؟

ربما لي عوده

[الروح]

الروح شخصيه سحرتنا بـ أخلاقها أولاً

وحسن تعاملها وتميزها وبـ مشاركاتها الفعاله والمفيده معنا

تميزت بـ مواضيعها الرائعه

شخصيه إتصفت بتواضعها و حضورها الراقى

شهادة اعتز فيها :)
صناع النجاح الانسان في هذه الدنيا يسعى لشيئين
اولهما طاعة الله وكسب رضاه
وثانيهما محبة الناس دون مقابل
جعلنا الله واياك من هؤلاء فالله سبحانه ان احب عبدا زرع حبه
في قلوب خلقه

خذي نفس عميق وأجيبي على أسئلتي بكل هدووء:11:
اخذت :27:

- أقرب إنسان لكِ ؟
مافي عندي انسان قريب مني اقدر اقوله كل ما في قلبي
بس تقدرين تقولين امي

- ما رأيك بالصداقة ؟
الصداقة جميله ولابد منها لكن الصداقة احيانا تصبح عداوة
بموقف تافهه لذا انا بعيدة عن الصداقات الحميمة

- هل ممكن الصداقة والحب يتحولان لكراهيه وحقد ؟

ايه ممكن وبقوة اما بخطاء مني او ممن احب او اصادق
فتتحول الى عداوة اللد واشد من عداوة العدو نفسه


- دعاء ترددينه دائما ؟
لا اله الا انت سبحانك اني كنت من الظالمين

ربما لي عوده
:confused: عودي يا ختي هو حد ماسكك :27:

الروح

[عبدالله محمد علي]

"الروح"
من حظك انه هالوقت الاغلبيه مشغولين مع تحضيرات العيد....
والله يعين اللي بعدك اللي كاتب اقامته في "جسـ دي"...الناس يتكون فاضيه حق الاسئله....

المهم:

شنو آخر كتاب قريتيه..؟ وتنصحين فيه ؟؟

شنو وجهة نظرك من قيادة المراءه للسياره؟؟

وش رايك في "الابراج" ؟؟وهل تتابعينها؟؟

في حالة الغضب ...كيف "تفشين خلقك"؟؟

ليش يقولون "البنت لها سبع وجيه"؟؟

وش آخر شي سويتيه ..لأول مره؟؟

في الدراسه...انتي من النوع اللي "يحفظ" والا "يفهم"؟؟



ودي اكمل ...بس ضروري اطلع ...

[الروح]

"الروح"
من حظك انه هالوقت الاغلبيه مشغولين مع تحضيرات العيد....
وانت وينك من ذولي اللي يجهزون :27:

شنو آخر كتاب قريتيه..؟ وتنصحين فيه ؟؟
والله من زمان ما قريت كتاب على العموم انا ما تقيد بنوعيه
معينه اي كتاب يشدني اقراه


شنو وجهة نظرك من قيادة المراءه للسياره؟؟

وجهة نظري في قيادة المراة للسيارة !! اذا كان القصد منها
حرية ومعرف وشو فانا ضدها لاننا كسبنا حريتنا نحن معشر النساء بان كرمنا الله وصاننا بديننا الحنيف الذي هو عزنا في ديننا ودنيانا واخرتنا
لكن عندي تعقيب بسيط هو ان من الحق المراة انها تتعلم السياقه وذلك تحسبا للظروف فمثلا واحد مسافر مع زوجته
خل نقول الدمام ولا سمح الله جاه شي في الطريق شد عضل او اغمى عليه مو في ذيك اللحظة بتكون زوجته عون له اذا كانت تعرف تسوق على الاقل تمنع حدوث مكروه لهمم

وش رايك في "الابراج" ؟؟وهل تتابعينها؟؟
ما احبها ولا احب اتابعها يمكن تكون علم لبعض الناس
لكني لا اؤمن بها ابدا

في حالة الغضب ...كيف "تفشين خلقك"؟؟

والله على حسب الحاله بس عموما انا من النوع اللي ما اسكت
اذا كنت مغتاضه واغلب شي غضب يكون للحق مو ضده
يعني اللي في قلبي على لساني

ليش يقولون "البنت لها سبع وجيه"؟؟
مدري يمكن لانهم يقولون انها اول ما تنولد تتشكل ملامحها
لمدة شهر كل يوم لها شكل بس انا احسها خربوطه
يمكن لان عقدة الولد والبنت ما زالت موجودة رغم ان ناس تحاول تخفيها

وش آخر شي سويتيه ..لأول مره؟؟
اخر شي سويته لاول مره !! مدري والله
مافي شي معين


في الدراسه...انتي من النوع اللي "يحفظ" والا "يفهم"؟؟

لاوالله من اللي يفهم ما احفظ الا ما يحتاج لحفظ
سواء دليل من ايه او حديث او بيت شعر

الروح

[الجـــوري]

أتــآبع بصمت وهـــدوء ..

لا تخــآفين يختي ماكو اسئله

> مريحيينج ع الاخيـــر


عضـو ودك تتعرف عليـه
الجوري وغياهب ودلع علي

لي كل الشـــرف اختي الروح

:)

[عبدالرزاق]

الروح

,,,

اجوبتك جميلة وتدل على ثقافتك العالية

:)

,,,

سؤال اليوم

هاااا لا الحين ترااااا في السهل :d12:

,,,

هل تحكمين على الشخصيه من موقف واحد؟؟

[جوان]

سؤال اليوم

هاااا لا الحين ترااااا في السهل

ههههههههههههههههه يعني يالروح أنتبهي

عندك كذا مستوى جايك الوسط والصعب
,,,

ربي يسهل عليك يالروح


أختك


............. دلع علي ......

[خالد بوياسر]

.

عضـو حبـوب
خالد بو ياسر احس الكل يكن له الحب والتقدير
...........................................
الروح

شهادة أعتز وأفتخر بها

من روح المنتدى / بنت يحيى بن أحمد

* الطيبة والمزحات : تزرع المحبه بين الأعضاء

[الروح]

الجوري
الله ريح بالك بس هذا ما يعفيك من الكرسي خخخخخخخخ
:27:
يدوم عزك ودمتي بود

[الروح]

هل تحكمين على الشخصيه من موقف واحد؟؟


لا ما احكم على اي احد من موقف واحد دائما افرض حسن النية الى ان يثبت الاخرون عكس ذلك


هاااا لا الحين ترااااا في السهل :d12:

خلك في السهل وترى الحسابه بتحسب هع
:27::17:

الروح

,,,

[الروح]

خالد بو ياسر

العفو
وشكرا لمرورك
الروح

[نـور الظفر]

الروح ~~> انشالله نستضيفج مره ثانيه هع

إلــــى متابعي " كــرسيــ/ـ الإعترآآآف " ..
سيتم إغلاق الموضوع إلى إنتهاء العيد المبارك ..
وبمناسبته يهنئ "كــرسيــ/ـ الإعترآآآف "
وبالاخص "ديما &نـور الظفر" بالعيد السعيد "مقدما للأعضاء " ويخصون به كل من " علي محمد - عبدالله محمد علي - الروح "

ترقبونا >>:17:::27::17:

نواره & ديووم :d10: