الشباب والبنات في الفسحة او البريكــ :

[هلا بنت خالد]

.. تبون تعرفون وش يسون البنات والشباب اذا رن جرس الفسحة<<هذا قبل رمضاااان ..


البنات ..

أول ما يرن جرس الفسحة...

1- تشوف شلة بنات داخلين دورة المياه .. إللي تعدل شعرها والثانية تعدل كحلها،
وكل وحدة منهم تسولف عن إللي سوته في الشات الي دخلته او وش سوت
بالمنتدى اللي مسجله فيه .

2- كل بنت تمشي وفي جيبها ( شكولاته )
وإذا عطيتها شبيس تقولك: سوري أنا مسوية ريجيم..
( الله واكبر ) .. أول ماترجع البيت على طول تسوي تليفون
للبقالة إللي على الشارع ..

3- والبنات الأذكية أول مايرن الجرس تشوفها داخلة
غرفة المدرسات تبي المدرسه تشرح لها الدرس
إللي كانت غايبة فيه ..

4-وبعض البنات أتشوفهم متحذفين
ورى الفصل يحلون واجب الرياضيات
إللي ماحلوه في البيت ..




خلونا من البنات ونروح أنشوف وش يسون الشباب في الفسحة ..

1- تحصل واحد منهم راقد طول الحصة وأول مايرن الجرس،
يدعي على اليوم إللي دخل فيه المدرسة
( ( لأن حلمه إنقطع بسببهم ) )


2- إثنين من الصبيان ينتظرون متى يروح المدير
إللي صار له واقف ساعة قدام الصف،
وأول مايتحرك خطوتين..!!
يشلون شلايلهم وينطون من الجدار ويشردون من المدرسة
ويمرون على كم بقالة في طريقهم وبعد نص ساعة
يرجعون المدرسة
..

3- وشلة تروح ورى المدرسة ويقعدون يدخنون لين ما يقولون بس،
وما أمداهم يشفطونها إلا واحد كشخة رايح يفتن عند المدير
وما يحسون إلا المدير حابسهم في غرفة الإحتجاز ويسوي تليفون حق أبهاتهم. .


4-أما واحد تشوفه فارش غترته على الأرض ويكمل رقاده
( لأن طول الليل مارقد يشوف فلم ويلعب سوني )


تحيــــــ هلا ــــــــاتي :

[نـور الظفر]

1- تشوف شلة بنات داخلين دورة المياه .. إللي تعدل شعرها والثانية تعدل كحلها،
وكل وحدة منهم تسولف عن إللي سوته في الشات الي دخلته او وش سوت
بالمنتدى اللي مسجله فيه
........................
هذي انااااااااااااا:)<<مستانسه بعمرها

وانتي هلا اي واحد فيهم ؟؟

.:.نور الظفر.:.

[دانة الظفر]

بالبنات فعلا (( صدقتي ))

[هلا بنت خالد]

3- والبنات الأذكية أول مايرن الجرس تشوفها داخلة
غرفة المدرسات تبي المدرسه تشرح لها الدرس
إللي كانت غايبة فيه .. <<<< الله واكبر من الذكاء الزايد


كذا احرجتيني نور.. يمكن يصير رقم" 4"


مشكوره يالغلا على المرور ..


تحيـــ هلا ــــــاتي :..

[هلا بنت خالد]

مشكوره بنت عز على المرور..


تحيــــ هلا ــــــــاتي :..

[ديما]

2- كل بنت تمشي وفي جيبها ( شكولاته )
وإذا عطيتها شبيس تقولك: سوري أنا مسوية ريجيم..
( الله واكبر ) .. أول ماترجع البيت على طول تسوي تليفون
للبقالة إللي على الشارع ..

هذي انا لان طبعا الشكولاته دايم بجيبي
بس
بالنسبة للرجيم عادي اذا توني ماكلة اقول لا واذا مابعد آكل آخذ
<<< مطيه الميانة مع صديقاتها
و طبعا اذا كان جوال امي موجود اكلم البقالة بس اذا كو استنى ساعه او ثنتين لين ما يخلص

واقول نور اي بقاله تتصلين عليها انا خبري ان اقرب بقاله جنبركم على بعد 1000كم



مشكورة هلا ع الموضوع

[هاجر]

1- تحصل واحد منهم راقد طول الحصة وأول مايرن الجرس،
يدعي على اليوم إللي دخل فيه المدرسة
( ( لأن حلمه إنقطع بسببهم ) )
هههه
ذكرتي بواحد اعرفه
ينام في الصف
جاالأستاذ وقومه وقال: (( لو سمحت خفف من قيام اليل))
مشكوره على الموضوع الحلو لا عدمناك