أفضل طريقة لتخسيس الكرش ( البطن )

[بوخالد]

من حرصي على الجميع حبيت أن أطرح هذا الموضوع لما له من أهمية قصوى
أحب أن يشارك الجميع فيه .
كثير أشاهد أصدقاء لي كرشهم بارز شبرين للأمام وشكلهم غير لايق والسمنه تزيد يوم بعد يوم . ما أسرع ما يختفي عن أنظارك أحد الأخوة ثم تلاقيه بعد فتره ما تعرفه بسبب تغير جسمه .
لذلك أود من جميع المشاركين وبكل جديه من لديه طريقه يعرفها لا يبخل بها علينا
لكي يستفيد الجميع مع تمنياتي للجميع بدوام الصحة والعافية . الهدف هو التخلص من الكرش أولاً ومن السمنه الزايدة ثانياً . مع كتابة المرجع أو أصل التوثيق
أخوكم / أبوخالد

[علي بن إبراهيم]

متـــابع ...................... يا ابو خالد هه هه هه --->


وين الخبير ابوياسر . خخ خخ خخ

بانتظارة ..


http://www.tl3b.com/uploads/10-16-06~_______________123.gif

[هاجر بنت عبدالله]

أفضل الطرق للتخلص من الكرش :

- المشي .. و يفضّل المشي على جهاز السير لأنه يحرق سعرات حرارية أكثر ..

- التمارين الرياضية .. وخصوصاً تمارين شد البطن ..

- ( الحبلية ) << القفز على الحبل .. من أحد الألعاب اللي استمتعنا فيها واحنا صغار .. و من أكثر التمارين اللي تساعد على شد الجسم

- الأكل بإعتدال .. وعدم النووووووووووم بعد الأكل ..

- ممارسة السباحة في أحواض السباحة (البرك) ..

- فيه دراسة حديثة تقول إن أكل الزبادي قليل الدسم يساعد في التخلص من الكرش ..



مرة كانوا جايبين في التلفزيون لقاء مع مدرّب رياضي .. فـ كان يقول إن الرياضة لازم تكون نص ساعة في اليوم .. عشان يحافظ الجسم على لياقته و شكله .. بس أغلب الناس ما عندهم وقت فاضي يستمر لمدة نص ساعة كــاملة خصوصاً الأمهات والآباء .. فـ قال إنو ما يأثر إذا تم تقطيع النص ساعة هذي على 6 فترات .. بحيث إن كل فترة 5 دقايق .. لأن العبرة في الوقت كامل .. مش في اتصال الوقت ..
وكان يقول إن فقد السعرات الحرارية في النص ساعة المتصلة .. هو نفسه في النص ساعة المتقطعة ..



أتمنى إني أكون أفدتكم بخصوص هذا الموضوع ..

[زوايا]

- الأكل بإعتدال .. وعدم النووووووووووم بعد الأكل ..

ترا النوم بعد الاكل ما يفرق ..

اقرو الكلام المكتوب هنا
HERE (http://www.sciencedaily.com/releases/2006/02/060202080832.htm)
يقول لك انهم سوو دراسه على نوع من القرود - اللي يشبه الانسان لحد كبير - ولقو ان مافيه علاقه بين الاكل قبل النوم بفتره او على طول قبله .. يعني نفس النسبه من الزياده تصير في كل وقت [ بس طبعا الواحد ما يخم كل الثلاجه قبل ما ينام]

بس ان الحريم - من القرود - اللي شالو مبيايضهم زادو وزن .. بس مو بسبب الاكل قبل النوم ..
هو لما يصير سن اليأس في الحرمه يصير فيه تغيرات فيسولوجيه و نفسيه بسبب تغيرات في الهرمونات ونفص الاستروجين والبروجيسترون

يعني السالفه في عدد الكالوريات المستهلكه مو وقت الاستهلاك

[بوخالد]

أشكر من ساهم في الرد على الموضوع وأتمنى المزيد من المشاركين لتعم الفائدة

[مها بنت فهد]

اسهل طريقه لتخفيف من الكرشه زياده من شرب السوائل والتقليل من اكل الدسم بالليل لان الكرش هو عباره عن دهون وطبعا بلادنا العربيه دائما بحفلاتنا ياكلون اللحوم والرز اثناء الليل وبالليل مافي اي نشاط حركي ..

واتمنى اني افدتكم
مشكور بو خالد على الموضوع

زوايا مشكوره على المعلومه الحلوه

[عبدالله محمد علي]

مررررحبا بوخالد

انا جربت عدة طرق .........

اول طريقه كانت ((رجيم الشوربه الحارقه))
اذا تبي الوصفه عطيتك اياها.....عامة هي مقاربه للرجيم الكيماوي بس زايده عليه بالشوربه.
طريقه جيده وصراحة تنزل من الوزن بسرعه .......بس اخر مره استخدمتها جاني هبوط حاد .....صرت مااقدر اقوم من مكاني..........لين في الاخير حلفت على الوالده اني مااسويها.........وانا افتكيك منها لان الشوربه تلوع الكبد.


الطريقه الثانيه ((رجيم الكايبوهيدرات)) حق دكتور كويتي اسمه حسيت دشتي
هذا الكتور حاط دوبه ودوب الكيبوهيدرات..... لدرجة اني قمت اوسوس كل مااشتري شي اشوف مكوناته ونسبه الكيبوهيدرات
طبعا الرجيم انك طول اليوم ماتاكل الا لحوووووووم......وشويه سلطه يادوب تذكر.
بعد اسبوع من الرجيم انيابك تطول ويطلع لك مخالب .....من الكل اللحم.هع

بس عن جد ينزل الوزن بسرعه ........هو مدته اتوقع كانت شهر.......بس نفس الشي تلوع كبدك منه .....طعم فمك يصير مقرف من هالبروتينات الللي تاكلها.....

اذا تبي طريقته هم بعد قولي.


الطريقه الثالثه وللحين اتبعها
الرياضه............جري على السير.......جري على السيكل...........استخدام جهاز الايكروبات............تمارين سويدي
في الاسبوع ثلاث مرات........بس يبيلها عزم .....حط لك هدف وتحدى نفسك وبتوصل.


الحمد لله على الصحه.....الحين اكل اللي ابي ووقت ماابي.........
ابوي يوم كان يشوفني اسوي رجيم.............كان يقولي ياولدي كل الحين وانت بشبابك لايجيك يوم يمنعونك انت تاكل اي شي.


وسلامتك يابوخالد
واسف على الاطاله
دمت بود

[علي بن إبراهيم]

عجبني .. رد ابو محمد ...:) خلن نجربها ....

وماني كلام .. قيل وقال . من غير .. فائده ..:)


تسلم عباادي .

تحياتي

http://www.tl3b.com/uploads/10-16-06~_______________123.gif

[هاجر بنت عبدالله]

اول طريقه كانت ((رجيم الشوربه الحارقه))



الطريقه الثانيه ((رجيم الكايبوهيدرات))


الطريقه الثالثه وللحين اتبعها
الرياضه



بس يبيلها عزم .....حط لك هدف وتحدى نفسك وبتوصل.



اعذر لي التصرف في ردك ..


الريجيمات السريعة .. ما تفيد .. صحيح انها تنزّل الوزن بسرعة .. بس اللي يروح بسرعة يرجع بسرعة ..

والشوربة الحارقة .. الله يكرم النعمة .. !! .. ما يسوى انك تفقد وزنك .. وتفقد صحتك معهــا !!

الرياضة .. أحسن حل .. منها تخفيف جسم .. وزيادة لياقة ومرونة ..

أهـــــم شــــي الهــــدف .. و إن الإنسان ما يُحبط من تعلقيات الغيــر ..

[نزف الجروح]

مشكوره اختي على الموضوع

[نزف الجروح]

اسفه اخوي

[عبدالله محمد علي]

هلاوين (علي)
ان شاء الله العيد الجاي يصير جسمك سمبتيك


اعذر لي التصرف في ردك ..


الريجيمات السريعة .. ما تفيد .. صحيح انها تنزّل الوزن بسرعة .. بس اللي يروح بسرعة يرجع بسرعة ..

الرجيمات السريعه ...........صحيح انها مو صحيه.........بس ............تعطي دافع للواحد انه يستمر.
يعني لو الواحد استخدمها ونزل مثلا 7 كيلو .....يترك الرجيم ويبدا بالرياضه عشان يحافظ على الوزن.


دمتم بود

[هاجر بنت عبدالله]

يعني لو الواحد استخدمها ونزل مثلا 7 كيلو .....يترك الرجيم ويبدا بالرياضه عشان يحافظ على الوزن


الريجيم السريع بدون رياضة .. أبد ما يفيد
حتى الريجيم العادي .. لأنه ينحف .. بس ما يشّد الجسم ..
يعني بيصير الشخص نحيف على قلة سنع لأنه بيترهل ..

[علي بن إبراهيم]

عبادي ..:) بو محمد ..

اذا ماتشوف جسمي عود يوم العيد الجاي هه هه هه هه ..

اي هين ..

انا امشي على مقوله الوالده .. حلاه الرجال بعافيته .. هه هه هه ..
--< تحمسوا الشعب هههههههههههههه

تحياتي لك يالذيب

[ظفر 910]

بس ان الحريم - من القرود



بذمتك في حريم قرود ؟؟؟؟ أقول عافية على البنات اللي شاهدوا الموضوع ولا ردوا

أروع طرق للتخلص من الكرش ؟

1- أطلب كل يوم نصف دجاجة من الليوان .

2- لا تنسى تكمل عليها بقوطي بيبسي .

3- شغل المكيف وارقد أبرك لك .

4- لا تتحرك كلش حتى المسجد رح بالسيارة .

5- اترك التمارين وذا الخرابيط وترى آخر العمر موت والقبر يكفي

[عبدالله محمد علي]

هلاوين ظفر910

صدقت آخر العمر موت والقبر يكفي

بس الله يعين اللي بينزلونه القبر ..........بينقطع قلبهم من متنه..ويخوفك يدعون عليه بدل مايدعون له.......هع

[محبة الرحمن]

ما ادري اذا اقدر افيدكم بهالطريقة

خل التفاح

ملعقة صغيرة خل التفاح في كاس ماء بعد كل وجبه

جربوها واخبروني <<<<<<< قصدي وادعوا لي